عطني دفا عن ظلمة الليل والخوف
واعطيك قلبٍ ما عرف برد الأشواق
عطني وفا لاجيت بالشوق ملهوف
واضمك بعيني واسكنك خفاق
وان حال بينك والعطا رحلة ظروف
اعذرني بصمتي عن البوح بفراق
أنا رسمت بداخلي ستة حروف
صورة غلا والقلب بالحرف ما ضاق
للي حنانه غيمةٍ تسقي الجوف
تغتال صمت الليل في صبح الاشراق
اللي نزل في عيني بمنزل الشوف
عنه الصبر والبعد صعبٍ ولا يطاق
إن صرت مثله بالوفا ما بقى خوف
وإن صرت مثله بالعطا جتك الأشواق
