ما ودي أبدي ما بقلبي ولا أحكيه
بس اكشفت خافي بعض التصانيف
بيحت ما كنت احتفظ به وأخفيه
حقيقةٍ ما هي رواية وتاليف
لي صاحبٍ حكم القدر شفني فيه
عيا زمانه لا يجي له على الكيف
حالت ظروفه دون شوفة وأنا غليه
أبعد لطيف الروح زين التواصيف
ساعة رحل متغرب عن مرابيه
أنهل دمعه يوم ودع هل الريف
وقفت يوم أقفا وعيني تراعيه
ومن لحظتي شفت الغرابيل يا منيف
وشربت مر الكاس من عقب حاليه
يا شين فرقا أهل القلوب المواليف
وأقول لا من حل ذكره وطاريه
الله لا يسقيك يا عطلة الصيف
