كلمت ابا اسأل عنك في خامس العيد
وحصلت جوالك من الحزن مقفول
راحت بي افكاري مرار او تراديد
وأكثر كلامي كيف ماهو بمعقول
بيني وبينك يابو خالد مواعيد
بس القدر تطعن رماحه على طول
خبط المنايا مثل سهم البواريد
حل القدر مافيه حيله ولاحول
وين أنت ياذخر الرجال الأماجيد
غابت انجومك واقبل الليل مذهول
تلفت لنجم سرى رسمه بعيد
لينه هوى ثم عود الليل مشلول
في غيبتك ينعاك حزن الأناشيد
وينعاك قاف من عزا الشعر مفتول
اخرت ذكرى سيرتك فالشواهيد
سمعة وفاء ومناضلة طيب وفعول
عساك للجنه وخير المقاصيد
في جنة الفردوس الك دار ونزول
