لا تصدق كل ما عني يقال
كم كذب في سيرتي حاقد عذول
إيه أحبك صدق ماهو بالخيال
وانت عندي أول وآخر ميول
الهوى احساس وآمال ووصال
وتضحية والليل للعاشق يطول
والله إن الليل بالاحساس طال
والوصل منية وخفاقي عجول
شف عيوني تلتفت يمك تعال
بس طبعك يا بعد عمري خجول
العذوبة فيك سكر والدلال
علّم الآهات في صدري تجول
حاسدي لا ما ألومه يوم قال
من تحبه غصب حساده تقول
يا حبيبي دامنا نبغى الحلال
ما علينا.. كل حب وله عذول
