يا الله يا منشي هبوب النسايم
تجلي صدى كبد براسه لجاجه
واشيب عيني وهني البهايم
ماميزن درب الخطا من عواجه
الله من كبد بها المرزايم
قامت تصفق ودها بانزعاجه
هنيت دب دب الايام نايم
ماله حذا ماحط بالبطن حاجه
وشبنا وحنا مثل سود اللثايم
ولاظل من حاجاتنا بس حاجه
الله على العيرات والحظ قايم
تفضاة بالي مع خطاة الزراجه
ياروحن مثل اختباط النعايم
متحريات البل وصلن مداجه
ولحنا عليهن مال ناس صمايم
متثني في نقرة من هباجه
وصاح الصياح وغربطوا باالهزايم
ولحقوا على خيل تنابط عجاجه
وتطابقوا بقفوش حدب ضمايم
والخيل عن وجه البواريد ماجه
واللي وقع حامت عليه الحوايم
على مطيحه سحم الاظهار داجه
ضربتها لعيون زاه الوشايم
أبي صخيف الروح يضحك حجاجه
ذا قول من هو ضاري للغنايم
عوق العديم الياتبين سراجه
ولاني بهلباج يجي للولايم
والا مديح النفس تروه سماجه
