سلام يا من تعلا واعتلا القمه
يا مير يالي عليك البيض منشوره
الجدي لأهل الركاب الساريه يمه
يا يمه المجد يا سلطان وبحوره
كل الخصال الحميدة فيك ملتمه
وهبه من الله لكن تقول مبذوره
اللي نحبه تلد انظارنا يمه
والنفس والعين منهيه وماموره
أشهد شهادة وفا تبرا بها الذمة
أخصال بك من صليب الرأي مذخوره
يا مير ياللي حبالك تارد الجمه
ملاذ من ذاق مس الوقت مع جوره
انته رفيع المقام وعالي الهمه
طيبك سواة القمر ما ينحجب نوره
حبك بجسم المواطن خالط دمه
أرواحنا فيك يا سلطان مخشوره
نفداك بارواحنا اللي فيك مهتمه
اللي يحب أسرة آل سعود معموره
يا سيدي صادق الاحساس لو ضمه
شعري وخطيت فيه أبيات مسطوره
شابت معاني جزيل الشعر ما تمه
وشح الورق والقلم والحبر عن دوره
تبقى ويبقى الفهد للدار والأمه
ويبقى ولي العهد والدار منصوره
ذخر الوطن والمعادي شوفكم سمه
من دونه ايديه يا سلطان مقصوره
الموطن اللي على حكم الهدى لمه
ليث الجزيرة بفعل كنه اسطوره
العدل ساده والأمن مع الرخى عمه
شعاره السيف والقرآن دستوره
