عليان بن مرزوق الحربي الحربي
أنا الغريق إلي غرق وسط دنياه
ومن لوعة الأيام شفت العجايب
أمشي فوسط الناس واشكي من ألاه
أحمل هموم الوقت ويا المصايب
لا قال باكر تنفرج زاد بلواه
والكل عنه راح حتى القرايب
كلّ تخلى عنه في وقت مأساه
حتى القريب اليوم شد الركايب
والوقت روّح واطول الليل مسراه
والراس من كثر العنا صار شايب
الكل في وقت الرخاء يمد يمناه
وإن جاك وقت الضيق فالكل غايب
والحمل تعّبني وأنا اليوم ما اقواه
ومن كبر همي طحت وسط اللهايب
يا لله يا للي كل خلقه ترجاه
يا باعث من كان تحت الترايب
يا حي يا معبود يا صاحب الجاه
تغفر لمن هو صار وقته غرايب
