الخيل يا عليان والحمل والجيش
غدت خليطيه ولا احد عزلها
اشوف لي ناس تغوش تغاويش
نيرانها ماتت وكثر بللها
والقلب يا ملك العرب به نواهيش
والف على قوم ينشط قبلها
ربع على طول الليالي هشاهيش
وقوم تخرج من وقع في وحلها
عاش الملك حمى جنابه ولانيش
عمله بشرع الله ودينه شملها
اقامها با الحد والسيف يانيش
حما حماها لين صفا جهلها
عبدالعزيز احياه منشي الرشاريش
سور العرب حامي حماهم فحلها
بحر الندا ماهو العدود التلاطيش
المفسده بالارض بانت حيلها
يعيش ابو تركي على عدله يعيش
اقام شرع الله وكبده غسلها
احيا تواريخ العرب جالهم ريش
احيا العرب والدين بسيفه عدلها
حلحيل ما عاشر هل الجوز والبيش
لزم حبال الحي ان شلع ثقلها
سهر الليالي واكتسب لذة العيش
وارتاح من عقب التعب عن وشلها
ربح التجاره عاهل العرب مانيش
قطف زهرها واجتنا من نخلها
خلا الغنم ترتع مع الذيب وتعيش
والارض هاجت باالثمر مع نفلها
متين حبله مايهزه خرافيش
سور الدير مرباعها عن محلها
ما قال في مبداه لاويش لاويش
صبر على مر الليالي جملها
واعطاه جلاب الحيا منبت العيش
اخذ هوا نفسه ومشا عملها
وهذا كلام اللي من الناس مانيش
الجبري عليان جنب سفلها
عينه تهل الدمع في موقع هيش
جوفه لهيب النار ما احد ذملها
واختم كلامي با النبي عد ما عيش
