الجرح لو نخفيه يصعب علاجه
يزود همي كل ما حل طاريه
كانه يبينا يوم بس نتواجه
حرام مالقى منه غير المشاريه
في موقف التوديع يضحك احجاجه
يشر بعينه كن عيني تحاكيه
كانه زعل وصد من غير حاجه
والله لقفي عنه والصد يرضيه
حبٍ يهين النفس سمه سماجه
وحبٍ يعز النفس يحظ راعيه
يكفيه من قلب الحنان ابتهاجه
كاس الوفاء والحب مسقيه صافيه
ناجه على ما صار يا قلب ناجه
قله يمت الحب ما مات مغليه
بشرب من الماء عذب مابي هماجه
الحب أبيه أيام وأيام مابيه
الليل ما يمديه طفوا سراجه
أظلم سواد الليل ما عاد يمديه
