الوقت طوّل علي ما شفت أنا الغالي
ولهان له حيل وين اللي يشوفونه
من يخبر القلب عن خلّي هوى بالي
عله يطمّن خفوقٍ باح مكنونه
من غيبت الزين مونس فالحشا صالي
والقلب من بعد خلّي زادت شطونه
لجل الغضي طال صبري يا بري حالي
وش حيلة القلب يومه غبا مظنونه
أوّل مع الناس داله خاطري سالي
واليوم ضاق الصدر مهما تعزونه
ما غيره أحدٍ هويته فأوّل وتالي
قلبي بحبه خطير وهاضت أشجونه
مير الرجا مقبل الأيام تصفالي
وأشوف خلّي وأعيش الحب وفنونه
