يا الله يا رحمن يا فرد يا معبود
يا حي يا قيوم يا عالم النية
ياللي تحشر الخلق في يومك الموعود
تقبل رجا عبدك وتقبل دعاويه
بادعيك صبح وليل والعالمين رقود
تقوي عزايمنا وتغفر لنا السية
وتنصر ولي الأمر يا عالم المقصود
اللي مشى بالحق وارسى مبانيه
كتبت أنا شعر معطر بدهن العود
من قلب صادق بالوفى مخلص النية
ياصل حماة الدار رمز العطا والجود
اللي كرمهم عم كل السعودية
أفعال قايدنا الفهد دايمٍ بشهود
بكل الوسيعة عاليات مراقيه
عفو الفهد يشرق بنجران زاح النود
جاء وقت عيد وعفو مولاي عيديه
ماهو غريب من الفهد رمزنا المشهود
من هو وزى به دوم حقق مناويه
واقول عبداً لله بوجه العدو بارود
سم العدو ويضد من هو معاديه
وان قلت سلطان فعايله دون حدود
هو للعطا عنوان والخير راعيه
واميرنا من بعدهم مشعل بن سعود
يشهد له التاريخ في كل ماضيه
وان كان جا منا غلط ماهو بمقصود
حن ننثني ما حن نعرف الحساسية
يامٍ وهمدان على عهدنا المعهود
من عهدنا الأول إلى آخر تواليه
ماننقصر دون الوطن درعٍ له وجنود
لا غيم البارود نكوي العدو كية
والختم صلوا عد برق تلاه رعود النبي
على اللي في البشر ما خلق زيه
