صديت والقلب من صدك وهجرانك
منقوش في داخله وين انت يالغالي
يصعب علي الفراق بصعب نسيانك
والروح تشكي ودمع العين همالي
أحرقت روح المولع وسط نيرانك
نار حطبها عذابك يا بعد حالي
خنت الذي بالمودة يوم ما خانك
يمشي على طوعتك في كل الاحوالي
نسيت ربعي وخلاني على شانك
يا خاين العهد روح مالك ومالي
والحب هان الذي مثلي ولا هانك
يا ناعم العود ليتك دايم اقبالي
يا الله تغفر لزلاتي بغفرانك
يا عالمٍ كل خافي باول وتالي
