يا صاحبي حبك سكن وسط جوفي
حبك تمكن في خفوقي مكانه
كتبت لك من دم قلبي حروفي
خمسة حروفٍ لك نطقها لسانه
لد النظر يا زين فيه وروفي
والقلب عطني يا حبيبي حنانه
ابغاك وافي منصح لي عطوفي
ترى الجفا والصد باب الخيانه
من طب بحر الحب يا زين يوفي
روحي وروحك ما عليها ضمانه
الناس واجد مير غيرك ما شوفي
أنت الوحيد اللي ثبت في كيانه
اليا نويت اجيك عيت اظروفي
والحظ طاح وزود خانه زمانه
عنك تقاليد العرب لي اوقوفي
تاقف بدربي لو تطيح الميانه
