سرى خط القلم ويترجم الإحساس والمجهود
بقد المجتهد وده لو التعبير يضمن له
تعابيرٍ جديدة توضح الإحساس والمر يود
بحب الموطن الغالي وحكامه وشعب له
رعى الله ديرة الوافدين رعى الله ديرة أهل الجود
حمى الله خادم البيتين وأخوه الشهم عبدالله
وأخوه النايب الثاني أبو قلبٍ كما البالود
سلطان السعد ربي من الخيرات يجزل له
حمى الله ديرة آل سعود وآل سعود والموجود
وكل اللي سكن فيها عليها الله وأمان الله
بلادٍ تحتكم لله شرعه غاية المقصود
بلاد اللي نذر روحه لدين الله والمله
حللت ويا هلا بزيارتك بك رحب المعبود
وطيت السهل يا ميرٍ حوى جود العرب كله
من ممشاك إلى منفاك ألفٍ مرحباً وسهود
طريق مهود لك ممدود زهر الورد والفله
لك الأنوار شعت يا هلا حيا الله ابن سعود
هلا يا أميرنا بأرض الشمال الفذ عبدالله
ولد عبدالعزيز الصارم اللي بالكرم معهود
له التاريخ بالتمجيد سجل ما كتب زله
له التاريخ سجل بيض الاسطر واضحة بشهود
شجاعٍ صارمٍ منهو دخل بحماه ما ذله
رفيق موحد الدولة حرٍ صارمٍ مهدود
يوم الحرب والقالات حرٍ يعجب بشله
أبو خالد لنا عزٍ عزيز الجانب ومعدود
التوحيد رواحه حطها بحماه رهن له
به الله عزنا مقدام يبذل غايه المجهود
به الله عزز الدولة بمخلص ضافي ظله
مُهَابٍ وافي عادل حده ما يجي مضهود
عميم العدل ما يذكر بعدله قاصد لله
زعيم الدين والدنيا جواد الجود بالماجود
يعين الحق بالتوحيد حده عند حده الله
حليم عالمٍ فاطن يفك الضد بالمضدود
زبون اللي نقل همه وضف أرداه ويفله
زبون إلى وطاه الضيم حاضر فزعة بردود
زبون الصعبة اللي عجزت ويحلها حله
أمير السلم يسلم من بغى البيضا بلا منقود
أمير الحرب رده حاضر ما ينتظر قله
زين الخايف المسكين ريف اللّي بلا مولود
ريف الأرمله واللي سكن شعبي بلا فله
ريف اللي يتيمٍ ضايعٍ بأرض الخلا مطرود
علي عز ومعزه ينصفه بالخير ويد له
حبيب العلم والتعليم عنده دايم في زود
أهل العلم والتعليم عنده فوق عز الله
لفانا يفتتح والخير في نفسه لنا موجود
مشاريعٍ عظيمة خيرها ضافي وتوزن له
ايلامنه أتي يوم عظيمٍ هايلٍ بالكود
عسى ربي يضف أميرنا في خيره يحله
عسى عمره طويل وبالسعادة دايمٍ مسنود
حمى الله قايد الديره في الترحال في حله
تقدم من حضر تشريفكم ليث سليل جدود
محافظنا عسى عمره طويل الخير ناكله
بنا يمشي طريق الخير خيرٍ دايم ممدود
عسى أيامه سعيدة ما تجي نفسه ابد عله
صلاه الله على الهادي شفيع بيومنا الموعود
صلاةٍ طيبه ومباركه باعداد خلق الله
