فكرت في دنيا العجايب ودققت
وتعبت من وقتٍ غثيثٍ مذاقه
ودخلت في بعض العلوم وتطرقت
حول الرفيق اللي يخون الرفاقه
خصٍ الى منك بعرفه تعمقت
بانت علومٍ مرهفاتٍ دقاقه
ممشاه حسب المصلحه وان تحققت
تبلش وتبلى به كثير الحماقه
ما يحسب احسابك لو انك تضايقت
يزيد ضيقك والعهد معك باقه
ما يدري انه ينكشف باخر الوقت
ويبين قصده عقب حسن العلاقه
ما هو سوات اللي لطيبه تذوقت
يصمل معك بالضيق لو قص ساقه
يزيد طيبه لو بالطيب سابقت
عنده على حسن التعامل لباقه
لا غاب عن عينك لشوفه تشفقت
تسعد بشوفه ما تداني فراقه
هذا الرفيق اللي بعرفه تعلقت
مثل المولع في محبة نياقه
