بديت بذكر حلاّل العقودي
إله الكون ربي ومعبودي
عظيم الشان علام الخفايا
جزيل المد من مده نجودي
طلبته يحفظ الديرة واهلها
ويعز الدين ويعز السعودي
عيال اللي شهر للدين سيفه
وعن أهل الدين وانصاره يذودي
رفع راية محمد والصحابة
شعاره للعلم فوق العمودي
حملها مخلص من قو دينه
ونصره الله علام السدودي
موحد بالإله وعزه الله
وحكم بالشرع وأقام الحدودي
حكم كل الجزيرة وأخضعت له
وعم الأمن وافضاله تزودي
حكمها وانتقدها من جهلها
وكرس لجلها كل الجهودي
وعسى مزن تداحم في سمانا
يلوح البرق ويدن الرعودي
يساقي من سكن بالعود قبره
وينبت فوق قبره بالورودي
ويعطر بالبختري والخزامى
ويذعذع عطرها مع كل نودي
ويغسل وجهه الطاهر ويمسح
عنه حبات رمل بالحودي
وعساه بجنة الفردوس يالله
مع اهل الحوض واللي له ورودي
وطنا يا وطن حنا رجالك
هل الطالات ما فينا جحودي
بك البيت الحرام ومسجد احمد
مشرفك الإله عن الوجودي
ما دام اطهر بقاع الأرض وسطك
وفهد قايدك واحنا لك جنودي
تبسم يا وطن واطلق حجاجك
ولا يفزعك تجميع الحشودي
لك الأعمار ترخص من غلاتك
ولا نحسب لنقص العمر زودي
عهدلك من قديم الوقت يبقى
ولاء من عهد ماضين الجدودي
واحنا بعدهم شلنا الامانة
سلايل من يحفظون العهودي
عوايدنا لحوض الموت نارد
نهار الكون لا هاب الشرودي
ترانا لو سمعنا ما حسبنا
من أعلام النصارى واليهودي
يزيد ابنا التكاتف والتلاحم
تحت راية فهد شعبك صمودي
مطهر يا وطن عن كل مغرض
ومصيون الكرامة والحدودي
على التوحيد وارضك ما نساوم
هذا قول الأسد ذخر الاسودي
أبومتعب صليب الراس قاله
على التلفاز والعالم شهودي
وابطلب منشي مزون السحايب
وابدعي في ركوعي وبسجودي
يديم الأمن يا بلادي علينا
ويحفظ فهد واللي له عضودي
وصلاة الله على خير البرية
عدد ما زار مكة من وفودي
