قال السهر قلت السهر دنيا لحاله
لله من عينٍ سهيرة من سنين
لا غاب عنّك من ترجا وصاله
كنه غرس بالجوف سمه بسكين
لي صاحبٍ صوته حنين وعداله
في نسمته عطر وعبير ورياحين
غدير عينه واسود الرمش جاله
حتى دموعه لا تهادت مزايين
يحتاجني واحتاج لمحه حياله
وارتاحله مثل المطر للبداويين
ودايم حبيبي زايدٍ في دلاله
عذب وراه القلب والروح والعين
درب الهوا يا لا يمي من صفاله
سلمه غريبٍ والضحايا كثيرين
وشلون ما اسهر دامه القلب شاله
واقفى مثل ما قفت البير والطين
