الا يا همومي ريحيني شوي شوي
ترى الهم ما يصلح ليا زاد عن حده
ورا الهم يشغلني وانا ما غدالي شي
هواجيس قلبي خلته ينبحث سده
هموم توديني اليا الساحل الشرقي
ونوبٍ توصلني شواطىء بحر جده
وانا من فضل ربي لا شاكي ولا مشكي
لكن الهموم تراود القلب من مده
واظن السبايب كلها من شتات الحى
أمورٍ منول ما تجي داخل البده
اشوف الاقارب في تنافر ووضع سي
احد ماسكٍ حده وأحد واقفٍ ضده
احد يهدم جدار الصداقه وأحد يبني
وكل يبي العالم تمشى على وده
أحد يتبع المشروع أحد يتبع المنهي
وكل يفصل له ملابس على قده
أشوف الخطأ بين العرب وأعرف المخطي
ولو أنصحه جاءت الشياطين منهده
أبهدِ العرب يا حميد مير الله الهادي
وأنا أخشى على بعض الأوادم من الرده
ليا شفت لي مقفين أنا ما أتبع المقفي
أبا اقفي عنه وابا اتبع الشده الشده
يغيّر مسار السيل الاصلي بوضع الني
ومن راد رد السيل بالعكس ما رده
إليا ورّدت شيب الغوارب تريد المي
يخيب الذي ورد الطويله بلا عده
وأنا لو بغيت أجلي عن الناس كيف أجلي
يجي للهروج العوج في غيبتي عده
يقوم المنافق يصنع الكذب والحكي
وساع البريد يودي الكذب ويرده
أبا اقف مع أهل الحق ما دام راسي حي
وابا أترك رفيق السوء وأجزاه بالصده
وابا ادخل على ربي وأصلي على النبي
عسى الله يزيل الهم ويهون الشده
