تعذّر تعذّر واقبل العذر مهما كان
ولا ينشغل بالك عن العذر وش يعني
على قد ما تقدر تعذّر وانا الغلطان
ولياك تقنعني ولياك تخدعني
ابي منك تبرير عن الصد والهجران
وابي منك ترضيني وابي منك تسمعني
وابي منك دمعه ذنب لاهنت واستحسان
مثلما ما قدرت تشتت اجزاي جمعني
مهو قصدي اني هنت وارحم عزيز هان
ولا قصدي انك عند نفسي تلمعني
ولكن سمو منك وانت احسبه صفطان
بدل منت باللي فات بالحيل موجعني
انا يا حبيبي ما قدرت افهم السلوان
دخيلك دخيلك يا اقرب الناس سنعني
واذا منت راضي خير ما قدر الله كان
ولكن على طبعك تكرم وطبعني
