الكلمة اللي بعّد الله ثراها
وش جابها تطلع من شفاه الأصحاب
يا صاحبي هو كيف تقدر علاها
وتقولها من غير تدقيق وحساب
بلاك ما تدري عن اللي وراها
لو كنت داري كان جنبت مجناب
الكلمة الشينة قليل شفاها
لا وقّعت بين الضماير تقل ناب
ترى الصداقة يا رفيقي تراها
ما هيب سجن دونه قفول وأبواب
يا كبر ساحتها وأوسع مداها
أوسع من الضيقة على صدر منصاب
لا صار ما هي صافية وش حلاها
لا بو حلالها كان فيها الوفاء غاب
طول السنين وما مضى في قفاها
أنا احسب أنك صادق وانت كذاب
باسلوب.. ننهيها. ونقطع رشاها
ونلغي علاقتنا مثل بعض الأحباب
