ياعين جودي وأمطري من خزاينك
اليوم يومك لاتبقين من ماك
والياقضى ياعين هاتي دفاينك
دمٍ حمر ماصار لولاك لولاك
وياقلب زادت بعد صالح غباينك
مابه عزا لوكل من جاك عزّاك
في ماضي جالس قبالي وأعاينك
واليوم ماباقي لنا غير ذكراك
إن زنت ياوقت الغرابيل ما أحسنك
وإن شنت طبعك من على أباي وأبآك
شرّك قريب وخيرك أبعد لنا منك
وصارت بلاوينا عيالٍ لبلواك
يالله أنا طالبك راجيك زابنك
ياواسع الرحمة بصالح زبنّاك
عسى جنان الخلد ياخوي مسكنك
مرحوم يا اللي ماشكا الجار عجفاك
مهما يطول العمر ياموت ماعنك
واللي كتب فا اللوح يالعبد ياطاك
محسن بن عايض الملاح المقاطي
