بالحرايب ما تخوفنا عدانا
نصرنا بإذن الولي ربي كفيله
جيشنا المغوار هو حامي حمانا
ما يهاب الحرب لو ولع فتيله
ما نهاب الموت لو قرب وجانا
العدو لو ما يجي حنا نجي له
لين ناخذ بالقضى ثار قصرانا
نضرب العدوان بسيوف صقيله
نضرب العدوان في حد السنانا
لين راس الخصم عن جسمه نشيله
جيشنا عنا يصدون قبلانا
يردعون الخصم بأسلحة ثقيله
عندنا نسورٍ يحومون بسمانا
من زرع لا بد ما يجني حصيله
والوطن دونه رجال ما توانا
السعود معدلة من فيه ميله
نجد حامينه على ظهر الحصانا
من عصور ماضية ما حدٍ يجي له
والحرم حاميه ربه ما يهانا
احتماه من أبرهة وأصحاب فيله
