شيء غشى قلبي ورّود جروحي
وزاد الحنين وزاد كفخ الحنايا
تارك بقايا هم تلويع روحي
لاعانني لارد باقي العطايا
أسامره لاجا صدى صوت بوحي
وأقول وينك وين هاك النوايا
واداري دموعي مع رد نوحي
وأقول يا لله فزعتك في رجايا
أنا عطيته والرجاء في طموحي
انه رفيق الدرب وانه هنايا
لكن جرحني يوم حط الصروحي
وأقفل طريقٍ كان يجبر عزايا
هاك الطريق اللي لقيته يلوحي
بارق أمل في نفس تنشد دوايا
أثر الأمل قَفا مع روح روحي
ليته بقا قبل الحكم بالمنايا
أنا عرفته لكن السمع يوحي
ردة طلب في وقفته لي معايا
