يا رب أنا مؤمن بحكمك وأصلي
والموت حق ودين الإسلام ديني
البارحة ودموع عيني تهلي
والنوم حتى النوم عيا يجيني
ساعة سمعت العلم طحت بمحلي
وضاقت بي الدنيا وصغرت بعيني
الله أكبر رحت يا شيخنا اللي
فيك العفاف وخدمة المسلميني
الله أكبر رحت وأنت متحلي
بالعلم وأخلاق الرسول الأميني
الشيخ عبدالله فعوله تخلي
القاسي من الناس قلبه يليني
اللي يرحب بالضيوف ويهلي
ماصك بابه للعرب من سنيني
مرحوم يا شيخٍ بنفسه تعلي
للدين.. والدنيا من الزاهديني
يا الله على قبره سحابٍ يهلي
من رحمتك حيثه من المحسنيني
ويا الله طلبتك نور عفوك يجلي
ظلام قبره يا الكريم المعيني
ويا الله عساه بجنتك مستظلي
وعسى كتابه يأخذه باليميني
ويشرب من أنهار الجنان ويعلي
مع النبي وعبادك الصالحيني
واجبر عزانا فيه واجبر هللي
وحنا على فرقاه ربي يعيني
واليوم ابدعيله ليا قمت أصلي
غير الدعاء يارب وش في يديني
