جعله عليك مبارك العيد يا شوق
جعل السعادة ما تفارق شفاتك
كلك حلا يا فايق الحسن والذوق
في بسمتك في ضحتك في سكاتك
حبك سرابي سرية الدم بعروق
ما أحدٍ بهالدنيا يوازي غلاتك
سبعة شهور وطاويٍ قلبي الشوق
ذقت الشقا وأنت سعيد بحياتك
دمعٍ جرى في غيبتك جرح الموق
حتى عيوني تشتكي من قساتك
يكفي جفا قلبي من الصد محروق
همي ونوحي والسهر من سواتك
تطري علي في غيبة الشمس وشروق
مناي قربك وأنت بعدي مناتك
قلبي وفي ما يعرف الغدر والبوق
كان الغدر يا صاحبي من صفاتك
