العمر ضاعن من يديه الأماني
والوقت شاب ولا بقى به مواعيد
مرّت ليالينا مرور الثواني
والحلم توّه ما تحرر من القيد
يا جرح ليتك تعتذر عن زماني
وتخلي البسمة لجل خاطر العيد
مبطي وقلبي لك دروب ومواني
كن القدر وصّاك ما تبعد بعيد
الله يسامح من بقربك بلاني
وأهداك لي ذكرى ليوم التناهيد
بعثرتني في كل صوب ومكاني
غربلتني حاولت أهدّيك وتزيد
يا جرح هالمرة تخلي زماني
ادخل على الله تترك الحلم للعيد
