عيدك فرح عيدك صباح وتباشير
يسعد مسا عيدك وصبحه ويومه
لعلها يا صاحبي لك مسافير
لو ان نفسي من لقاك محرومه
ليت الغلا عنده جناحين ويطير
واقول روحي في بلدك معزومه
الناس تضحك والشقي حالته غير
لو قال اجامل صدقه لا تلومه
يبين في وجهه من الوجد تعبير
جرحه نزف لو استرنه هدومه
صاحبك ناسيه الفرح من هو صغير
ماجاه عيد الا سرق منه نومه
وعزاي اقول مفارقك لي مقادير
العيد دونك ما تجمل علومه
وعيدك فرح عيدك صباح وعصافير
يسعد مسا عيدك وصبحه ويومه
