يا زين الأهلي لا تجلى وانتصر
وأمتع جماهير العرب بالبطولة
مثل السحابة كلها غيث ومطر
يا ناس الأخضر هيبته من يطوله
واللي ظهر ند الكواسر انكسر
ما نال الأهلي عجز غيره ينوله
سبع لعبهن ما تعادل أو خسر
واللي لعب ضده تفرّق فلوله
يبهر دفاعه عقب ضمه للبدر
سدٍّ منيعٍ واحتراف ورجوله
هذا الكيان اللي على الملعب ظهر
سطر فنون من اللعب والسهولة
فضٍ جسورٍ لا تحرك وانتحر
في داخل الميدان يفعل فعوله
ما بين كل الأندية يلمع قمر
ينور على الملعب بعرضه وطوله
كنك تلاعب كمبيوترٍ خَضَر
مع صوت جمهوره يدق بطبوله
فنّه تلالا بالملاعب وانتثر
واللي يحب الفن دايم يقوله
الكاس ما له غير الأهلي يا بشر
وفي كل محفل يا ملا صفقوا له
