لا تشكي الوقت يالغالي وصداته
الوقت ما هو على كيفي ولا كيفك
خذني معك شاعرٍ يحمل معاناته
يكتب من الشعر ويوصف تواصيفك
شاعر يحبك ولا قصر بدمعاته
غنى معك في الربيع وذاق من صيفك
دايم خيالك بروحاته وجياته
يومه يحبك وراك تسل له سيفك
ياللي شغلت الفؤاد وكامل أوقاته
ما مرةٍ غاب عن عيني سنا طيفك
راعي الهوى يكتم الأحزان وآهاته
وياما تحملت موجك مع عواصيفك
لو يعطي الحب راع الحب شرهاته
ما كان يمديه مستسلم لتصريفك
