من جنوب الكون لين أقصى شماله
ما لقيت أوصاف خلي بالجزيره
بالعيون السود ولافي دلاله
والله انه بانٍ بالقلب ديره
حالف اني ما أنظر لغروٍ بداله
وعملة الدولار ما تشرى بليره
والله انه لو بغى روحي حلاله
مفتديه بشي ما يعطى لغيره
يا صغير السن ما تدري بحاله
واحدٍ بالحب صدماته كبيره
يا رموش عيونها سوي جماله
ما احتمل جرح العيون المستديره
العيون اللي كما عين الغزاله
صوبت من دون رشاش وذخيره
يا قوافي علميها بالرساله
علميها إني على حالٍ خطيره
