فزت الخيل ملحومة ومكروبه
كل رجلٍ خطير يفر من ثوبه
جاك لمح البصر خلوله دروبه
العلف مجد يوم العز مشروبه
قمة المجد غاياته ومطلوبه
والمدرب سنافيٍ تغنو به
يا طويل العمر بطلبك هالنوبه
يطلب رضاك حتى بشته وثوبه
مثل نارٍ بليل العز مشبوبه
انت يا مير نبراسه ومحبوبه
لو يسولف بحبٍ داخل جنوبه
وكاس عبدالعزيز بعين طلابه
القلوب رجفت والحال متشابه
يزعل الناس لكن يرضي اصحابه
عند شيخٍ عشقنا الخيل باسبابه
يوم غيره حضوره يشبه غيابه
فيه من ذيب بن شالح وشيابه
امدحه بالنيابه عنك واشقابه
والوفا فيه صادق وانته ادرابه
وانت من حط فوق النار مشهابه
راس ماله وسيد غالي احبابه
هل مزنٍ وسال الشعب وهضابه
