يا مدّعي بان الملوحة سر ما بك من جمال
اركد ترى ملح البحر واجد ولا ينذاق ماه
صحيح ربي صورك واعطاك مع حسنك دلال
لكن لا تغتر فالدنيا وفي طول الحياه
هاذي نصيحة قلتها ما طلب عليها منك مال
دفعتها من قلبي اللّي ما قدر يخفي غلاه
يا عود موزٍ كل ما هب الهوى عليه مال
تمايله من لين عوده صار في كل اتجاه
يا عين حرٍ ما كره في راس مذروب الجبال
اخذت وصف من الظبا واخذت وصف من المهاه
هاذي وصوفٍ قلتها من غير شيء فالخيال
من غير شيءٍ مستحيل اكشف لعذالي غطاه
لولا الحيا لو لا الحيا وادري مناقيد الرجال
كان ذرفت عيني غزير الدمع يا ظبي الفلاه
مضت سنين العمر وانا منتحي يم الشمال
واللّي هويته منزله قريب من واد المياه
مدري متى تسمح ظروفي بالزيارة ول وصال
الصبر عندي واصل حدّه أواصل منتهاه
يا الله عجل بالفرج يا الواحد الفرد الجلال
يرجيك عبدك يا عظيم الشأن لا تخيب رجاه
