يا الله المطلوب يا جزل العطيه
يا كريم ورازق كل الخلايق
المهور الغالية أكبر قضيه
تجعل الخاطب بها مهموم وضايق
عندنا اشروط لهم عصبه قويه
شروطهم ماني لها بالحيل طايق
المهر خمسين وزيادة شويه
والهدايا تجعل المجنون فايق
ردوا الموضوع في راس الصبيه
والصبيه جوها بالحيل رايق
من عماها ما تلد الشوف فيه
ماتبا إلا ورع منسوع الدلايق
وين رايح يا هذا العود الهفية
استرح خلك لنا في البيت سايق
قلت أنا عود ولي طمعة ونيه
مار يحداني عن الرغبة عوايق
يا هل المعروف ورجال الحميه
بالشيابة لا تبتون العلايق
