مرات أقول أنك تبي ذبح الاشواق
ومرات أقول أنك من الشوق مذبوح
ومرات أهز أقلام وأقطع أوراق
ومرات أدور لك لقا حرف في لوح
ومرات أصور فالفضاء حبس الارياق
يومك تقول أسف وأنا اقول مسموح
ومرات أجر الصوت من جوف الاعماق
صوت الونين اللي كشف قلب مجروح
ومرات أحس اني الك كوم عشاق
وأنك تجي صدفه لقاء حلم واتروح
وأنا الليالي درهمي وأنت سراق
وأني انا اللي شايفك وأنت مفضوح
ومرات يا عمر الشقا أنزف أحراق
وأني لمسّ أضمادك البرد مشفوح
ويا صاحبي ارجع ترا كل ما ضاق
خاطر وليفك.. ضاقت النفس والروح
