الله يالدنيا لها اشكال وألوان
في وصفها تشمل جميع التضاريس
متقلبة تمشي على غير عنوان
تاخذ بليا قيس تعطي بلا قيس
تجمع الخلان وتفرق اخوان
ويطير فيها مع الحباري قرانيس
عجزت لازنها على كف ميزان
يومين تضحك لي والاخرى معابيس
واليوم فيها ضايق الصدر حزنان
لو كان قبل ايام طربان ومنيس
طرى عليه طاري مر عجلان
مدري من الرحمن ولا من ابليس
اليا كتمته ما نفع فيه كتمان
ينقش بصدري مثل نقش الدبابيس
وان جيت ابدله واجعل الامر نسيان
فالماضي الذكرى تدق النواقيس
ياما عليه يفتح الوقت بيبان
ماتنقفل بقفالها والمتاريس
ياليت لي مثل اشقر الريش جنحان
واطير من همي وكثر الهواجيس
