دنياً تقلب ما عرفنا لها حد...
يوم براد ويوم لاهب سمومي
يومٍ تدرينى السعادة ونسعد
ويومٍ كثيراً حزنها والهمومي
هذي سوات الوقت لا بد لا بد
كل عليه من الليالي ثلومي
واللي خذاه الموت عن دارنا شد
طوا من الدنيا حبال اللزومي
مرحوم يا أبراهيم جعلك تخلد
في جنة الفردوس تنعم نعومي
ومحمد عساه بلجنة الخلد يخلد
يشرب رحيق بالجنان مختومي
اللّه وانا أسأله كريمٍ الياء مد
يغفر لهم يوم الخلايق تقومي
ويعوضنا ياللي بهم يرجح العد
روس الرجال منْزحين الخصومي
