ملّيت من صبري على واحدٍ صد
اللي عذر مني وأنا ما عذرته
لولا غلاه اللي معه شدني شد
يمدي تناسيته كثر ما ذكرته
لكن صحيح أن الغلاء صار من جد
حتى ولو طال الغياب افتكرته
يستاهل أفزع وأخذ الثار من ضد
بس أدري أنه ينكشف لا اختبرته
أقبل معاناة الزمن وانتظر رد
وأشوق وش مضمون صبرٍ صبرته
كانه وفي لوخانه الوقت لا بد
يرجع يعوّضني على ما خسرته
وأعدها طيبٍ منه مثل ما عد
أكبر وفاي بكل راي استشرته
وأعلمه كيف الميانه لها حد
هذي نهاية خاطرٍ ما كسرته
حتى ولو مليت صبري وهو صد
كله على شانه قصيدٍ نشرته
