من واقع الحكمة تخيرت معناي
هوايتي يا مهتوين الهواية
بيوت شعراً هن مرامي وشقواي
اليامن قاس الوقت باح الخفاية
واضرب لك الامثال يا فالح الرأي
حتى تعرف الواقعي والدعاية
ما كل من يرمي الهدف صاررماي
ولا كل رامي يشتهر بالرماية
ولا كل من يقرأ المجانين قراي
ولا كل والى امر صدق بالولاية
ان كان ما جربت مثلي بدنياي
ما شفت شيء ولا بدت لك بداية
من وقتي اللي ما مشالي على ارضاي
وقت منه شفت العداء وأصدقاية
وأخذت درس من التجارب بممشاي
وعرفت صدقان الرخاء واخصماية
وقت منه عرفت كيف آزن خطاي
وعرفت كيف المبتدأ والنهاية
والعمر عشته تجربة رايح وجاي
وطويت عن بعض المماشي رشاية
انا ضعوف الناس ما جابت اقصاي
يقساء الزمن وانا بعيدٍ مداية
ويكفيك عن شرح المواضيع مبداي
والعز طبعي والتجارب كفاية
