يالي كتبتيني قصايد على الطرس
وانا قريتك في بيوت القصايد
اقراء افكارك كلها وادرسك درس
واحفظ صفاتك كلها والعوايد
لقيت فيك الحسن واعيونك النعس
وعوايدك بين العوايد فرايد
فيك الحيا فيك الحلا ما بعد لمس
دونك تقل شلفا وسيف حدايد
في يد حرس كسرى ملك دولة الفرس
يمشون تحت أمره بوقت الشدايد
من هيبتك محدٍ تهقوى على الخمس
يمدهن لك مدهن فعل كايد
معك البشر مثل الكواكب مع الشمس
اليا طلعت غابت انجومٍ جدايد
متلبسه كل الحلا من بني الأنس
واملبسه تاج الحسن والقلايد
وانا عليك متعب الحال والنفس
ومالي بغيرك في جميع البدايد
لا بالعرب ولافي من احتلو القدس
ولابا الخليج وديرة الشيخ زايد
ولا بالعجم ولاسلالة بني عبس
ونماملكتك عشت عمري نكايد
وكتبت قصة حب مع ناعم الجنس
وارسلتها تنشر بكل الجرايد
