طيب اذا قلبي انا مو مكفيك
وش ودك اكثر طيب الله فالك
وش ودك اكثر من محب يداريك
قلبٍ سفطته فوق راحت دلالك
قلبٍ وطا جمر البطا لاجل يرضيك
قلبٍ مولع في سواد برا لك
قلبٍ تبسم للتعب والمهاليك
قلبٍ حسبته واحدٍ من عيالك
قلبٍ ليا اصتكت وصارت شرابيك
ما حركه غير التعب في هلالك
قلبٍ من الفتنه تولع بطاريك
ان جيت والا رحت حاضر مجالك
يا ابرد عذاب انا دخيل الحلا فيك
تصد عني كانه اخطاء سؤالك
تصد كنه ما بدا فيك تشكيك
ما هو عشان اتروح عني.. وذالك
عشان ما اشوف الخطا مع مباديك
واظما وانا يا للأسف فوق جالك
هذا وانا قلبي معك مو مكفيك
رح طيب الله يا ابن الاجواد فالك
