لاتفرح.. اسمع ترى ما للفرح داعي
حسبتها صح لكن خانك آخرها
ماجيتك اشكي جروحي وانثر اوجاعي
واشكي لك هموم.. كنت العام خابرها
جيتك ابشّرك اني صرت انا الراعي
لجروحك اللي زرعت وصرت قاهرها
جيتك ابقهرك وللفرقا انا الساعي
ما عاد تشقى عيوني بك وتسهرها
ملّيت من زيف حبّك وانت خدّاعي
هدمت الاحلام يوم القلب عامرها
لاتذرف عيونك الدمعه على وداعي
صبّرت نفسي وجا دورك وصبّرها
لو تشكي العين صدّقني وتلتاعي
بأسباب فرقاك شلته من محاجرها
ما عاد حبك مكانه بين الاضلاعي
خذها وراجع حسابك صح ودبّرها
