آسفه.. ان كان حبي ما خفا
ليت تقبل عذر من روحه غديت
وان تبي تتجاهله بحكم الجفا
سامحك ربي على قلبي جنيت
وان تبي تشفق فمن وين الدفا
من قلوبٍ باعت اشواقٍ شريت
حيل نور الكون بعيوني طفا
وتاهت الخطوه وكني اللي انعميت
يا حبيبي كيف تتناسى الوفا
وشوق قلبك امس يوم انك هويت
كيف تنسى «من على نفسه اكتفا
بعهد ما يخونك ولو حتى نسيت»
ولا دفنت اشواق قلبك بالخفا
ادفن احلى ايام عمري لانويت
وعزني في قلب ما حسب غفا
«وأذكر انك دمعةٍ منها انكويت»
مو لغيرك خط مرسولي لفا
وانت ادرى بكل حرف به قريت
وتدري زين انك لمجروحك شفا
وان بعدك هو سبب فيما شكيت
آسفه.. ياليت قلبي ما صفا
وآسفه يا عمري الّي ماهنيت
