يا صاحبي ضيق الفضاء واتّساعه
عليّ يوم إنك تروح وتجيني
لا شفت وجهك لو من اليوم ساعه
يرتاح بالي والفرح يحتويني
وأعيش وقتٍ معك يسوى الطماعه
أحلى زمانٍ جابته لي سنيني
اللّه يرد الوصل عقب انقطاعه
وتصير دعوة من دعاء والديني
من غيرك أنسى معه حتى الجماعه
يملأ فضاي وجوف قلبي وعيني
ومن غيرك فراقه هموم وجزاعه
وقربه ملاذ وحاجزٍ يحتميني
ألقى معه غاية هواي ومتاعه
وأفقد معه نارٍ تشبّ بكنيني
في ذمّتي إنك لروحي نفاعه
شوفك يرجّع سلوة الحب فيني
غلاك بضلوعي طبعته طباعه
وخلطته بدمّي وبان بونيني
اصبر أبأشرح لك وتقنع قناعه
قبل الفراق يحول بينك وبيني
أحيا وأموت وحبك أغلى وداعه
وأمل لقالك بهاجسي وبحنيني
