جعل السحاب اللي تناشا ومردوم
يسوق براقه ويقفاه همال
يسقي جراهيده وضلعان وحزوم
واليا وقف ينبت زهرها على الجال
يا محمد الحربي تهاويل وعلوم
أبيات شعر فاقت الوصف بأقوال
هيضتني واليوم أنا جيت منجوم
كن السحر في ما تفضلت به.. صال
الليل كله كوم وأشعارنا كوم
ولا زال كل يشكي الليل لا زال
والليل ستر اللي بلا ستر وهدوم
في ظلمته ما تعرف قصار وطوال
والليل مهجاع لفرسان ورخوم
ولا شك تسري به صناديد وابطال
والليل لا روح سواده بلا وهوم
كدر على العشاق حال ورى حال
أحد سرى ليله هواوي ومغروم
واحد سرى ليله ورا نص وريال
واحد يبي يزهم على غير مزهوم
واحد على الشاشات ويجر موال
واحد شرا شريه واحدهم على السوم
يفرك يدينه والبلا كذب دلال
قلته بعد هيضني القاف.. والعوم
في مسألة ليل سرى فيه جمّال
والا انت يا محمد مكرم ومحشوم
لك فاللقاء ما جوب دله وفنجال
