يا عين كفّي دمعتك داخل الموق
لا تذرفين الدمع يا عين كافي
أمر كتبه اللّه على كل مخلوق
يجري ولا يمكن يجيه انحرافي
ودنيا بها ما بين طارد وملحوق
ما يامنه يا خال كل متعافي
يا خال ما قصّرت من صابها العوق
بذلت مجهودك ولا هوب خافي
أربع سنين وكنك الشمع محروق
ونورك سند للي لهم نور طافي
واللي رفع سبع السماوات من فوق
يجزاك بالحسنى مثل منت وافي
ياللّه طلبتك عد ما ناضت بروق
واعداد ما خط القلم بالقوافي
واعداد دم يمشي بداخل عروق
تجعل لها بجنات خلدك ملافي
