لا تحسب إني يوم صديت عنك
ناسيك والله ما نسيتك دقيقه
خابرني من اول وأنا خابرنّك
ما عمري استخدمت هذي الطريقه
ظروفي اللي يا حلو حيّرنّك
يشهد عليَّ الله وكل الخليقه
لا هيب لا مني ولا هيب منّك
حكم الذي سوّى البحور العميقه
لا تبكي بقلبك وتضحك بسنك
ترى المجامل والله اني مطيقه
ولا يهمك ناسٍ يعاذلنّك
معليك فيهم جعلهم في حريقه
فان قلت لي معذور لله منّك
وان قلت غيره صار في القلب ضيقه
اموت في حبك وروحي فدنّك
هذي الحقيقه كان تبغى الحقيقه
