قال منهو يا بغا القاف جابه ما يهمه
كن عنده يا بغا القاف مفتاح وزره
ولا يقوله كود تدعيه هنالك مهمه
ولا يبي مدح الفراغات ما والله يسره
ما تكلم كودانا بشي له ثقل وهمه
واسمعو منهو يبي يقول من نفس مصره
وانقله يالي تبي العلم في فتحه وضمه
واكتبه وايضا على الناس بالمكتوب وره
يوم يسعى سيدي قال عبدالله بفمه
للفقارى نبذل الجهد هالمره ومره
ساعدونا يا هل الطيب في شي ندمه
الفقر نبي له اليوم نسعاله بكره
لين يسعد صاحب القل ونخلصه همه
لفتةٍ من سيدي يوم للفقرا يمره
وأبو خالد سيدي قام واشتد بمعمه
اللطافه والكرم فيه والرأفه تجره
طيب يسعى لاجل شي بكفوفه يلمه
يوم شاف ابعينه بيوت ناس مستضره
ما قدر يصبر بلا شك يشوف المطمه
تراوده كل الأحاسسيس وهمومه تفره
ما استراح ولا قعد يوم لين الأمر تمه
كل سنة ألف مسكن وعشر سنين اقره
كنه اللي ياخذ الطيب عن غيره يزمه
وكن والله جوهر الطيب عودله يبره
ما نقول الطيب بس لك لا شك انت قمه
حر أشقر بالشواهيق دايم هي مقره
طيّبٍ للطيب مجبول للمدات جمه
والردى ما فيه ما يقال لو مثقال ذره
معرب الجدين والله من خاله وعمه
درة ما يدخله شي من مكنون دره
يوم خطو اللاش للفلس يم صدره يضمه
ويا خلص عده على طول ثم رده وصره
خايب بخله مع الناس مربوط بكمه
يحسب إنه وسط دنياه حاله مستقره
لا تفتح للسواليف بيبان المذمه
ما نفلت بوسط دنياك للعليا وتشره
والله أنك سيرة المدح ما والله تشمه
القمر والشمس بعيد ونجوم المجره
والردى قدره ليا قيل من مقدار أمه
وانزعل يزعل ولا شي وبحر يحره
يا منزل لاشرف الخلق تبارك وعمه
تعين يا الله سيدي صاحب الجود وتسره
