الشوق ليلٍ تنتشي بي مساريه
وانا على دربه أجر الخطاوي
مهما أحاول بالليالي أخفيه
تفضحني دروب لها القلب هاوي
درب المحبه بينات مواريه
لاشفت من خلك كلام شقاوي
حر المفارق حط بالقلب تشويه
يا منيتي للبعد ما نيب قاوي
لا من ذكرت اللي بودي مصافيه
قلبي من الهجران يطويه طاوي
بنات فكري في مكانه تحاتيه
واتعبت نفسي مع كثير المناوي
عن زايد الاشواق ودي احاكيه
المشكله مع المحبه حياوي
ابيع ما دون ادعج الطرف واشريه
وانا بروحي في هواها فداوي
يخطي بحق النفس ما قلت له ليه
عندي صحيحه مع خطاه متساوي
