مل قلبٍ تله الهاجوس تلي
تل دلو يجذبوها من إرشاها
اجذبوها أهل الدبش رعيان بلي
من على ناعورها تسمع اعواها
والسبايب ياعرب من قصةٍ لي
أول أيام الشقا من مبتداها
إن بغيت أدله عن اللي قد حصلي
عادت الذكرى ابخلاها من خلاها
فيلم يعرض لي وأنا جالس محلي
عارفٍ مضمونها واعرف خفاها
والعيون من العباير ما تملي
لين صرت قربتي وانكت ماها
ضاع عمري بين ساعات التسلي
اتبع النفس الشقية في هواها
كل ما قلنا قضيتنا تحلى
جاء مكحلها وزودها عماها
والعتب والله عليهم هم هل لي
هم سبايب علتي وهمه دواها
لو أدور في مداين نجد خلي
ما لقينا اللي تقارب في حلاها
مير خلوني أشيل الحمل كلي
قد تعودنا على الدنيا وقصاها
