خلّي بعيد ودرب خلّي صعيبي
كيف الطريقة يا هلي وين ابلقاه
طيفه بفكري هايم ما يغيبي
من كثر ما تسهر عيوني برجواه
حبه بقلبي حب ما له طبيبي
حبٍ عفيف بداخل الروح مبناه
والله احبه فوق حب القريبي
يا عاذلي لا تلوم دمع سكبناه
هذا حبيبي كان تفهم حبيبي
يعني أعيش العمر في همس ذكراه
ماللعذارى في فؤادي نصيبي
دام الهوى مع سيّد الغيد عشناه
ولاني بمن يرضى بشرب السريبي
يا الله عسى تقبل علينا مطاياه
ارجيك ياللي للملا تستجيبي
يا واحدٍ كل الخلايق ترجّاه
تجعل دروبه دوم وردٍ وطيبي
ومن السعادة يكتسي دوم ممشاه
